STOCKHOLM   zum zweite

1. - 5. July 2009

Dasmal möchte ich nu die Iisbar gseh, dä höchi Turm mit dä umwerfendä Ussicht über ganz Stockholm (zumindest d City), s Königshuus und und und...

Übernachtä tümer dasmal im Rica Hotel ade Kungsgatan...isch perfekt...dänn müemer nur eimal umgheie und scho simmer vom usgang wider diheime... ;-)

Montag, 6. Juli 2009

Es isch wieder meeega genial gsi....super Wätter - immer um die

30-35°C - und nöd sooo vill tourischtä...

Am Mittwuch simer eusi Stockholm-Karte go poschtä wo mir dänn i alli Museums  hän chöne wo mir hän wele go aluege. Zuesätzlich hämer a diverse Orte vergünschtigunge gha, und no chli dur d Altstadt gloffe. Am Abig simer wider in Golden-Hits Club wo eus so gfalle gha hät im 2007.

Donnschtig; simer scho früeh los damits nonig so vill lüt ide Museums gha hät. Mir sind im VASA, Junibacken (Pipi Langstrumpf), Aquaria und Nordisk Museum gsi. Für mich isch s Aquaria dä absoluti HAMMER gsi. Mitem chline Regewald und dä Unterwasserwält!!!

Am Abig nu fein go ässe und id Iisbar. COOL -wortwörtlich-  :-)

Friitig; ide Altstadt go s alte Schloss vo dä Königsfamilie, Ihri Kronesammlig und d Münzesammlig go aluege und am Abig wider in Golden-Hits Club.

Samstig; mitem Boot uf Drottningholm go s Königsschloss, s Theater (mit dütscher Füehrig) und s China Museum go aluege. ufdä Rückfahrt simmer dusse gsässe und händ 1h lang chöne sünnele... :-)  und öpe für en halb stund oder so simer glaubs beidi weg vom fenster gsi...aber hät cheibe guet tue...hihihi...am Abig wider in Golden-Hits...am Barkeeper han ich nöd mal me müesse säge was ich z trinke möchti...hät mich nur aglueget und d getränk sind scho parat gstande...

Sunntig; chlini shopping tour...d Marlene hät nu Ihri Merilyn Monroe Bilder wele go chaufe und ich min Schal wo ich am Mittwuch entdeckt gha han...nur leider hän mir beidi zerscht nüme gwüsst gha wo ich die gseh gha han...zum glück isch mirs dänn aber doch nu in sinn cho... *freufreu*

Am vieri isch dänn au scho wider euse Heiflug gsi....