blogs

SOME STORIES....

monday, 19 september 2005

Hoi zaemae

also dae flug isch zimli laaaaaaang gsi....zum glueck hani en eigne fernseh gha wo ich verschiedeni film han choene ussueche...han daen natuerli grad Hostage glueget. und dae reschtae vom flug hani gschlofe...

D Homestayfamily isch mega nett. Sie isch mich am flughafe go abhole und haet mir grad echli Whitsundays zeiget. dur d'ziitverschiebig und em lange umereise bin ich daenn glich zimli mued gsi und bin vorem aesse go anelige. ich bin daenn aber doch soooo mued gsi, dass ich bis am andere morge duregschlofe han... :-)

Am Sunntig simer daenn echli go laufe und haend in Airlie Beach en break gmacht und zmittag gmacht. daenn simer wider alli zrugg glofe und zum znacht haets daenn aes Barbecue gae. hmmmm.....mit salat und beleite broetli (froeget mi nid was druffe gsi isch, aber hauptsach es isch fein gsi...)

Huet han ich uf die halbi nueni id schuel muesse. min gastvater haet mich sogar id schuel gfahre...wills doch min erschte tag isch...very nice! d'gastmuetter haet gestert z'obe nu en chueche bache gha, wo ich huet id schuel han choene mitneh und mit dae andere schueler teile. und fuer dae zmittag haet sie mir es sandwich, en banane, kracker, wassermeloneschnitz und en multisaft ipackt gha...also wie ihr gsend, gohts mir meega guet.

Ide schuel haets nid wuerkli vill schueler. und huet haend mit mir genau sechs anderi au agfange...und devo sind 5 schwiizer!! insgesamt simmer 7 schwiiyer, 2 duetschi und und ca, 7 japaner und koreaner...

so, fuer s'erschte isch das glaubs mal alles gsi...bim naechschte mal luege ich, dass ich es paar foeteli vom huus und dae meega ussicht uf s meer chan schicke...

also bis zum naechschte mal.

PS: Ich han gliich nur am morge schuel, da ich zu dae intermediatschueler ghoere, das heisst, ich bin ide mittelklass. zum glueck! d Aafaenger haend naemlich vom 12.50 - 18.00 schuel und mir nur 8.35 - 13.40!!! und am namittag choend mir alli an strand abe...YEAH!!!

tuesday, 27 september 2005

Hallo zämä

ich weiss ich han mich scho lang nüme gmulde...

Am friitig nach dä schuel händ mir jedesmal en Ussflug, und letscht friitig simer uf shute harbour mit em bus und vo det us dä berg druf gloffe, dur en wald bis mer am CORAL BEACH gsi sind...wos nid mal sand gha hät sondern nur stei!!! super!!! es isch meeega heiss gsi und mir sind nur immer umeglofe...s´bergli uf und s´bergli ab!

Also am SA han ich mit dä gastmuetter en scooter tour gmacht gha...zerscht simer ca. uf die elfi uf Airlie beach an Märt gange wo mer ihri kollege/inne troffe händ - wo ich unterdessä scho alli känne dank dä ville barbecues wo mir händ - und händ chli kaffi trunke und pläuderlet. sie sind alli mega nett und redet extra chli langsamer und nit im aussislang damit ich au öpis verstahne... :-) am eis sind mir dänn mit zwei kolleginne wiiters gange und zwar uf shute harbour. das isch es dorf wo bekannt isch für sin hafe und dä wunderschöni ussichtspunkt. ca. am zwei sind mir zumene pärli gange wo eus am morge iiglade gha hät...und iihr glaubed nid was es gä hät!!! Champanger!!! genau!! mit erdbeeri und chli snacks...schlussendlich bin ich dänn am halbi sächsi wider diheime gsi!!!

Am SO sind 6 studentä und i go OCEAN RAFTING mache...das isch dä hammer gsi!!!! chan ich also nur wiiterempfähle... zerscht simmer go malereie inere "höhli" go aluege und nachher hämer bimene chlinere koralleriff chli chöne go schnorchle. dete häts meeega schöni fischli gha in allne farbe!!! eifach hammer! aber ich han kein einzige NEMO gse gha... :-( dänn simer an schönschte strand wo ich je gseh gha han!!! und dä name seits au grad: WHITEHEAVEN BEACH!! dä isch würkli schneewiis gsi....eifach traumhaft!!! und meeega fiin!

So, hoffe händs echli interessant gfunde was ich alles so tribe han... ;-)

und stellet euch vor! ich bin ganz es bravs gsi...bin nämlich no keis einzigs mal im usgang gsi!!! am friitig bini vom ewige umelaufe z müed gsi um nu gross in usgang zgo...und am samstig hani glaubs chli zvill sunne und wind verschwütscht gha...

aber das weekend gangi dänn ändlich mal in usgang!! i schicke dänn natürlich wider es mail und tuen brichte... ;-)

hoffe ihr händ mich nunig vergässe!

Ganz ganz liebi und sunnigi grüessli us Australie...

monday, 20 october 2005

hallo zämä

mir gohts do immer besser...und bin scho meeega brun worde...ohni sunnebrand!!! und i han sogar müesse vodä sunnecreame 30 uf s 15 reduziere...suscht wäri ich gar nid brun worde...

me gmerkt langsam, dass es uf dä summer zuegoht...es wird vo tag zu tag immer wärmer und i schwitze immer me wenn ich dä hügel muen druf laufe...jetzt sogar scho bim drab laufe!!!

mir sind so zsäge fascht jede tag am namittag ide lagoon...das isch en badi grad am meer zuene...im moment darf mer do gäg dä obe nüme is meer will qualle chömed...hoffe sie bliibed nid allzu lang do...

also, jetzt gits widermal es paar föteli....

bim erschti isch dä bushwalking gsi vom friitig vor einere wuche....am afang isches mega schön gsi. und me gseht widermal wie kullinarisch d´schwiizer und d´asiate sind!! mir schwiizer händ es paar föteli gmacht vo dä ussicht und d´asiate händ d´auschtere mitemene mässer vo dä stei abkratzed. mir händ dänn nu müesse uf die warte wills nid gnueg händ vo däne chöne übercho...wo mir dänn uf dä buss gwartet gha händ, häts mega vill sandflüge umegha wo eim stäche tüend. und natürlich han ich jetzt beidi bei bis zu dä chnü verstoche...sind sicher über 50ig stich....me gsehts jetzt nu mega guet aber es wird langsam langsam besser....zum glück!!!!

letscht sunntig bini mit ere kollegin vo dä hostmother und ihrere muetter uf hamilton island mit dä Fähre. uf dä Insle händ dänn Gasteltere scho gwartet gha und mir sind dänn alli zämä go zmittag ässe. NATÜRLICH häts dänn widermal CHAMPAGNER gä...wie chöntis au anders si... nachem lunch hämer üs nu es glace kauft und sind echli uf dä insle umeglofe....

ich gange dänn namal mit es paar studente uf die insle, will mer imene spezielle restaurant chan ässe und koalas uf d´arme nä und föteli mache. und dä zue gits nu en chline zoo mit koalas, krokodil und suscht no diversi tierli...

letscht weekend bini am friitig s´erschti mal im usgang gsi. bis ca. am drü! isch nu luschtig gsi....

am samstig bini mitere kollegin go horse whisperer (Pferdeflüsterer) go lerne und nachher hämer nu en usritt gmacht wos mit doch prommpt nu abegrüert hät...bin voll uf dchnü gheit....aber bin dänn wider ufgstige und hei gritte...diheime hani dänn zwei chüelmittel müesse nä und chli chüele...gmerkes immer nu aber meischtens nur wenn ich muen stäge laufe....

dur das han ich dänn am sa nid in usgang chöne...aber easy...han jo nu gnueg glägeheit...

am sonntig simmer alli ide lagoon gsi, es isch sooo heiss gsi, dass mer fascht immer im wasser gsi sind.

me häts fascht nid chöne ushalte...zum glück isch nu chli wind gange...sie wartet scho lang uf räge, will s wasserreservoit isch uf 20% une und a teils orte händs scho müesse massnahme ergriife....

dä samstig wänd en kollegin und ich zwei scooter miete und dänn gömer chli uf erkundigs tour. mir tüend die wuche nu en tour uf ´bei stelle was mer alles wänd mache...

nächscht mäntig gits dänn wider en chliine rapport...

villi sunnigi und meeeeeeeeeeega heissi grüessli us australie

Andrea

monday, 24 october 2005

sali zämä

Am Friitig häts bi eus meeega grägnet gha, drum simmer dän glich nid in usgang gange....leider...am samstig han ich dänn mit dä Denise je en scooter gmietet gha (11h). Die vo dä Reception hät minere gastmuetter aglüte um zum frage ob mir die 500 franke depot müessed hinterlo...sie hät dänn gmeint nei und d´miete müessed mir au nid zahle...nur dä tank hämer müesse wider uftanke. und das hät eus grad mal 3 franke kostet....isch meeega lieb gsi...d denise und i tüend dänn es chlises gschänkli für sie chaufe...wahrschinlich en feine champanger, will sie das jo so mega gern hät...

Mir sind dänn dä trockeni Wasserfall go aluege und an Conway Beach. Chum sind mir acho häts agfange rägne!!!! me händ 3/4 std. müesse warte bis mer wider händ chöne zrugg uf Airlie Beach fahre. wo mir dänn am 3 wider zrugg gsi sind, simer dä go tanke und dänn häts genau wider agfange gha rägne. Nur dasmal häts au nu mega gwindet gha. am halbi vieri hetit mir sölle d scooters zrugg bringe. mir händ dänn aglüte und ihre gseit, dass mir in Airlie Beach sind und wartet, bis dä räge verbii sig. Sie hät nur glachet und gmeint dass es ok isch....wo´s nur no chli tröpflet hät simer dänn zrugg gange und vills nid ufghört gha hät, hät sie eus nu hei gfahre. Die sind alli meeega nett und hilfsbereit do....isch eifach dä hammer...

Am obe sind mir dänn nu in usgang. 7 fraue, isch jo klar, dass mir ufsehe eregt händ und im nu widermal d manne eus aquatscht händ....mir sind dänn aber am halbi eis scho hei gange, will alli nid so richtig händ möge...

Am Sunntig simmer dä ganzi tag ade Lagoone gläge.

Sit em mittwuch wohne ich eleige im huus, will am mäntig namittag hät s spital vo Brisbane dä gastmuetter aglüte und gseit, dass ihre Vater krank im Spital isch. sie isch dänn grad anegfloge. Am Ziischtig morge hät sie eus aglüte und gseit, dass ihre Vater gstorbe isch. Er hät problem mit em atme gha und sie händ ihm anschienend nid chöne hälfe....

Am Mittwuch isch dänn dä Gastvater au uf Brisbane gfloge will am Friitig d Beerdigung gsi isch. Ich han ihn dänn gfraged, wänns wider zrugg chömed. Er, Samstig oder Sunntig, je nach dem sie en flug zämä überchömed. Hüt isch Mäntig und sie sind immernunig zrugg cho. Evt. chömeds hüt namittag zrugg....

Im moment rägnets und DONNERETS mega und ich warte glaubs nu chli mit heigo, will ich kein rägeschirm han. ...

Wie ihr gsend, rägnets au do...sie händ jo scho lang uf dä räge gwartet...also isches au ok, dass es chunt. Will im Wasserreservoir händs nur no 20% Wasser und wenns nid cho rägne chämti würdets bald emal Wasserlimite ufstelle...und das wäri jo au nid luschtig..

Die wuche händ mir 3 neui studente übercho. 2 Ladys vo Dütschland und eine vo Frankriich. die einti vo Dütschland isch zu eus id klass cho. jetzt simmer 5 schüeler. Die Wuche gönd dänn 7 studente. und me händ es mega grosses BBQ am Donnschtig. Und anschliessend gömer dänn nu in usgang.

so, hoffe ich ghöre au mal wider öpis vo euch wo wiit wiit eweg sind....aber ich han jo jetzt scho halbziit...es goht eifach vill z schnäll...

Liebs grüessli

Andrea

monday, 31st obtober 2005

Sali zämä

So, jetzt chunt wider mis wöchentliche e-mail mit dä neuschtä news...

hmm...also mir sind nur no 14 studentä und das uf 3 klasse ufteilt...5 schwiizer (2 devo vom tessin und chönd kei dütsch), 1 franzos, 2 dütschi und 5 koreaner. Die zwei vom Tessin händ hüt agfange und sind nur ein Wuche do....also ich weiss jo nid, aber für ein wuche geld für en schuel go usgeh gfinde ich echli stupid(bescheuert). dänn würde ich lieber en segeltrip oder so mache....naja sie müends wüsse...

am Donnschtig hämmer s grosse BBQ gha, will 7 Studentä gange sind und devo 6 schwiizer...und 5 wo mit mir agfange gha händ. Drum hämer s BBQ nid wie gwöhnlich in Cannonvale, wo mir wohned, gmacht, sondern im dorf wiiter, Airlie Beach, wo mir in usgang gönd. Damit mir nach em BBQ grad direkt in usgang händ chöne... ;-)

Isch mega lässig gsi. Und am friitig hät mer allne agseh gha, dass sie en churzi nacht gha händ. aber d lehrerinne händ verständnis gha. 3 devo sind sogar nu zum BBQ cho...

Am Friitig händ mir jo am namittag immer en Excursion(Ausflug). Dasmal händ mir dä am obe gha und sind Barefood bowls go spile...das isch nid Bowling wie ich am afang gmeint gha han, sondern Boccia und zwar barfuess...isch mega luschtig gsi...das isch anschienend jede friitig obe und dezue chunsch au nu würschtli, brot, zwieble(iiii) und sauce über....natürlich sind mir dänn nachher nu in usgang!! *g*

Am samstig simer nur ide Lagoone ghänged und me hät allne agseh gha, dass sie die letschtä zwei täg nid würkli vill gschlafe gha händ...

am Sunntig hani dänn en Segeltrip mit 9 andere Studente gmacht gha. Mer sind zur Hayman Island gseglet und am Blue Pearl Bay go schnorchle...dete häts meega schöni fisch gha und ich han sogar dä NEMO gseh...bin die erschti gsi wo´s entdeckt gha hät. isch uuu herzig gsi...würkli wie im film...ide gliche koralle sind gsi...und immer wider id koralle und wider use, und ine und use......isch glaubs en family gsi, zwei grossi und eis chliners...mir händ eus nu z´vierte en unterwasserkamera teilt. hoffe d föteli sind guet usecho...

monday, 7 november 2005

Sali zämä

So, jetzt bini scho 7 Wuche do und han nur no 5 Wuche!!! letscht weekend hani ändlich mal Koalas gseh und chöne streichle... :-)

Am Friitig hät do in Airlie Beach s Street Festival agfange und zwar mitemene mega schöne Füürwerk. Am Samstig simmer nur fuul ide Lagoone gläge...

Defür simer z´sächste am Sunntig mit dä acht-uhr-Fähre uf Hamilton Island gange und im Koala Gallery Restaurant go zmorgä ässe. sind dänn nu in mega chliine Zoo gange wo mer Koalas, Krokodil, Schlange, etc....gseh gha händ. Anschlüssend hämer eus zwei Golfbuggies gmietet und sind mit dene chli ume "düst"! Sind chli an strand go bädele, chli go shoppe und mega fein go zmittag ässe. S beschtä isch, du chasch eifach id Hotelalage ine go und am/in pool go.

mir sind uf die siebni am obe wider zrugg in Airlie Beach gsi, wo mer dänn d Koreanerin Rosa troffe händ, wo hüt mit em Bus uf Brisbane fahrt (16std) und am Mittwuch uf Adelaide flügt um nächst Mäntig dete wiiters id schuel z go... :-( isch mega schad, will ich han mit ihre immer mega vill english gredet und me händ au am meischtä zämä unterno....

Mir sind dänn mit ihre nu go Sushi ässe und anschlüssed nu churz eis go zieh....

monday, 14 november 2005

sali zämä

so jetzt nu die neuschte nachrichte us Australie Whitsundays: s´Wätter isch wie gehabt, sunneschiii sunneschiii und meeeeega heiss!!!

Die Wuche hämer wider zwei neui Studente übercho...einä vo Pole und eini vo Japan. Er isch in eusere Klass für zwei Wuche und d´Japanerin isch ide unterschte Klass. Sie chan so z´säge kei english.

Letscht Ziischtig simer ade Trivial Night gsi...das isch en Quiz Abig imene Hotel wome mega gueti priise chan gwünne aber nüt defür muen zahle. Mir händ dänn dä vierti Platz gmacht gha und will mir sächs Persone gsi sind hämer 3 Guetschie für Parasailing oder Jetski fahre übercho. Das hämer dänn am Do nach dä Schuel iglöst. En Kolleg und i sind für 15 min go Jetski fahre...Isch meeega cool gsi...Mir händ dänn zwar beide am nächschte Tag Muskelkater ide Bei gha aber das hät sich glohnt gha. Die andere vier Mädels sind go Parasailing mache. Sie händs au super gfunde gha.

Am Friitig hämer wider es BBQ am Strand une gha zum Abschied fiire vonere Schüelerin und sind dänn natürlich nu in Usgang gange. Aber nur bis am drü.

Am Samstig hani mal richtig usgschlafe und am drü sind alli Kollege vo dä Gasteltere cho wo am Umzug mitgmacht händ. Mir händ eus verkleidet und sind mit dä Scooters uf Airlie Beach gfahre....Am Umzug sind so zsäge alli Studentä gsi vo dä Schuel. Isch aber en mega churze Umzug gsi und es sind alli mega schnäll gfahre...isch scho chli anders gsi als bi eus ide schwiiz! Ich han im moment nu kei fotis vom Umzug aber die chömed dänn nu....

Am Sunntig bini mal wider nur fuul ide Lagoone gläge und han a mim zweite Englishroman gläse....Am Obe simer dänn nu "churz" eis go zieh. Es isch dänn aber doch wider halbi eis worde wo mer es Taxi gno händ.

Die Wuche han ich nur 4 Täg schuel, will ich am Friitig uf en Sailingtrip- pardon Segeltrip- gange für 3 Täg. Für 250.- $ all inkl. Das isch zimlich billig. normalerwiis zahlt me für das über 300.- franke...hehehe....beziehige muen me ebe ha!!

und nächscht Wuche am Donnschtig fange ich dänn ändlich min Taucherkurs a. Do & Fr hämer theorie und praxis, Sa-So-Mo gömer as Great Barrier Reef go tauche. Insgesamt sinds dänn 10 tachergäng i drü täg und devo zwei ide Nacht. Wird sicher mega!!!

So, ich hoffe euch gohts allne guet au wenn ihr nid so guets wätter händ...hehehe...

villi sunnigi grüessli

Andrea

monday, 21st november 2005

sali zämä

So, ich han es haaaaaaaaaaaammmer Weekend gha. Bin vom Friitig mittag bis Sunntig mittag ufemene Segeltrip gsi und han ca. 120 Föteli gmacht!!! und s meischte isch Sunneufgang und Sunneuntergang....Vo eusere Schuel simmer 3 Mädels gsi, alles Schwiizerinne. Ufem Boot häts nu zwei Schwiizer gha wo in Brisbane ide Schuel sind und nur für dä Segeltrip do uf Airlie Beach cho sind. Dä reschtä hät alles nur english gredet gha.

Am Friitig hämer mega vill Wind gha. Mir sind dänn alli uf einere Siite vom Boot gsi, will s Boot so schräg gsi isch, dass die anderi Siite zum Teil im Wasser gsi isch. Isch eifach haaaaaaaaaaaaaaammmmer gsi. Me händ dänn bide Hook Island und händ dete dänn übernachtet. zum z Nacht häts dänn Rüebli, Bohne, Härdöpfel und Chickenflüggeli. Am elfi simer dänn is Bettli. Nur han ich leider die ganzi Nacht nid chöne schlofe...ich han kei ahnig wieso. will schlächt isches mir nid gsi. Naja, bin dänn am füfi ufgstande und mit dä Kamera ufs Deck gange und han mer dä Sunneufgang aglueget.

Am Samstig hämer zum z Morge Kornflakes oder Toastbrot chöne ha. und natürlich Orange- , Aprikose- und Apfelstückli gha. Nachem z Morge simer an en schöni Stell gseglet wo mer dänn händ chöne go schnorchle.

Uf dä z Mittag simmer dänn bide Whithaven Island gsi und dete z Mittag gässe. Dete häts dänn Salat, Schinke, Chäs und Brot gä. Dänn simer uf dä Ussichtspunkt gloffe wo sich im nachhinein würklich glohnt hät!!! gsehnder dänn ahand vo dä Föteli. Me sind dänn nu an Strand abeglofe wos würklich traumhaft gsi isch. Besser sogar als dä Whitehaven Beach. Dä hämer vo dem Strand us au gseh gha. Isch grad gegeüber gsi. Im Wasser häts sogar nu chlini Haie gha, wo allerdings harmlos gsi sind. Am vieri hämer dänn wider müesse uf dä andere Siite vom Hügel si. Will mer vorem vieri zrugg gsi sind, händ dänn die zwei Schwiizer gmeint, dass sie zum Boot zrugg schwümme wänd und säged, dass mir scho dete warte tüend. wos dänn ca. 2/3 vo dä Strecki gschafft gha händ, isch eine vomene andere Boot mit em chline Schluchboot zu Ihne gfahre und hät sie gfraget gha, obs mit ihm weled zum Boot fahre. Sie händ nur gmeint, dass sie scho nu möget, es sig keis problem! Er hät dänn ihne erklärt, dass die Bucht en Bruutstätte isch für d Tiger-Haie!!! Wos dänn das erfahre händ, sinds dänn sehr schnäll im Böötli inne gsi. Wo sie eus das dänn verzellt händ, händ mir nur no glachet gha...Will sie händ sich nur Sorgä wäg dä chline Quallene gmacht gha, wos zu dere Jahresziit überall im Meer do hät und drum müend mir immer en Anzug alegge wenn me is Meer wot go bade oder schnorchle...Mer händ eus dänn es mega schöns Plätzli usgsuecht, wo mer dä Sunneuntergang händ chöne aluege und au übernachte. zum z Nacht hämmer dänn Erbse, Rüebli, Bluemekohl, Herdöpfelstock mit chliine Chlümpli drinne und en Schuesohle als Fleischstuck. Am halbi zwölfi simer dänn wider is Bettli gange und han chöne dure schlofe!!! Yuppie!! bin dänn aber am viertel ab füfi scho wider wach gsi und bin wider go dä Sunneufgang go luege.

Nachem zmorge (wie am Samstig) simer wider go schnorchle und die einte händ sogar en Schildkröte gseh gha.

uf die zwölfi simer dänn wider zrugg in Airlie Beach gsi.

So, morn nach dä Schuel gömer dänn nu uf en Schildkröte-Tour und am Dunschtig hani dänn dä Taucherkurs.

Also chunt dänn nächscht Wuche erscht am Ziischtig äs E-mail, will dä Kurs bis am Mäntig goht.

So, hoffe euch gohts allne immernu guet bi däm chalte Wätter wo ihr händ!!!

Liebi grüessli usem immer wärmere Australie

Andrea

sunday, 4 december 2005 - about diving course

hallo zaemae

so, ich bin jetzt offiziell en Taucherin. Und zwar en Adventure, d.h. ich chan bis 30m go tauche!!!! ;-)

Also, am Do und Fr haemer Theorie und Praxis im Pool gha. Han alli Uebige choene usserd wo ich han muesse d Maske abzieh und wider alege. Eigentlich isch das jo nid so schwer, nur, wenn me waehrend em schnufe dur s mul au nu chli dur d nase schnuft isch das nid wuerkli agnehm...Aber ich hans daenn au nu gschaft gha. :-)

Am Friitig obe, 18.30, sind mir daenn uf s Schiff (3 Stoeckig) und am gliiche obe nu as Great Barrier Reef gfahre. Als chlises z'Nacht haends nu zwei grossi Plattene mit Dipps serviert gha. Am Samstig, zum z'morgae haets kornflakes oder toast gae. Am 8.40 simmer daenn s'erschti mal go tauche. Uf 10.4m tiefi fuer 34min. Mir haend daenn diversi Uebige muesse mache wie Schnorchel mit Regulator wechsle, Gewichtsguertel/BCD(d'Weste wo me mit Luft chan fuelle zum usgliich) ab- und azieh und dae Buddy(Tauchpartner) uf zwei verschiedeni arte abschleppe, falls dae mal nueme wuerdi moege. Dae zweiti Tauchgang haemer scho am 11.15 uf 11.2m fuer 41 min. gha. Dete haemer alli Rettigs-/ und Sicherheitsuebige duregno. Wenn me kei Luft me hat oder nur no ganz ganz wenig, was mer daenn macht... Me haend daenn dae platz gwaechslet gha und sind am 15.20 scho wider go tauche. 10.5m fuer 38m. Bi dem Tauchgang haemer daenn en chlini uebig mit em Kompass muesse mache....isch mega eifach gsi...Die ganz gruppe vo eus und nu es paar anderi haend sich entschiede, dae Adventure z mache und nid nur dae Open Water Kurs. Defuer haend mir namal muesse es Buech laese und Frage beantworte. Innerhalb vo eim Tag. D Ilse und ich haends daenn zaemae gmacht und haend alles am gliiche obe nu usgfuellt. Sind defuer au bis am halbi zwoelfi uf gsi....

Am Sunntig haemer nachem z'morgae dae vierti Tauchgang gha. 17.9m / 30min Bi dem Tauchgang haend mir nur no zwei chlini Uebigae muesse mache und dae reschtae haemer choene gnuesse...Me haend daenn zwei Reef Haie gseh vo je ca. 1 - 1 1/2m und nu en Roche. Am Namittag ca. am drue haend mir daenn euse erschti alleinigi Tachgang gha. Ohni Instructor und ohni Kompass. D Ilse haet daenn en Unterwasserkamera debi gha und haet fuer eus beidi foeteli gmacht. Waehrend dem ich glueget han, wo mer sind, wie tuef und wieviel luft mer haend. Mir sind daenn sogar am genau gliiche Ort wider uftaucht, wo mer abtaucht sind. bin mega stolz uf mich gsi. :-)

Am obe, am siebni, haend mir daenn en Nachttauchgang gha. Das isch meeeega cool!!! Euse Instructor haet eus gseit gha, dass mer ide Nacht unter Wasser chan Gott spiele...mir haends zerscht nid ganz kapiert gha, bis mers gseh gha haend. Um eus sind immer 1m grossi Fisch, names JT, umegschwume und wenn me mit dae Taschelampe uf die chline gluechtet haet, sind die JT's cho und haends gfraesse. :-/

Mir haend daenn au nu en Moraene gseh und en Maske mit Schnorkel gfunde....

Am Maentig morge sind mir daenn am saechsi ufgweckt worde und am halbi siebni sind mir scho im Wasser gsi und uf 28.5m/20min go tauche. Dete haemer au churz nu es paar Uebige gmacht gha und euse Instructor haet nu zwei Eier mitgno gha. Wenn me die im Wasser ufmacht, bliibt s Eigelb zaemae und me choenti Pingpong spiele. Nur isch bi eus en Fisch gsi, wo jedes mal, wenn dae Instructor haet wele s Eigelb wegschiebe, dae Fisch vor ihm duregschwumme und haet s Eigelb weggaesse. Mir haend daenn d Ziitlimite vo 20min grad knapp ighalte, so dass mir keini 6 Stunde haend muesse warte bis mer dae naechschti Tauchgang hettet choene mache. Nach dem Tauchgang haemer daenn choene z Morge aesse und en stund spoeter haemer scho wider chone go tauche. Dasmal simer zwar eleige gsi, aber mir haend muesse 2 Pflanzearte, 4 Lebewese ohne Wirbelsuehli (bis ich das gwuesst gha han was es vom englische is duetsche heisst!!!) :-/ und 5 verschiedeni Fisch. Wo mer zrugg gsi sind, haemer daenn alles in diverse Buecher chone nacheluege wie die heissed und daenn han ich en Fisch gfunde wo nach mim (Nach-)Name gnannt isch. Meyer's Butterflyfish!!

Am zwei sind mir daenn wider in Airlie Beach gsi und es isch alles scho wider fertig gsi. Me haends meeeeega guet gha, und ich han fascht immer english gredet gha. S Esse isch dae hammer gsi...me haend so vill verschiedeni Sache gha und nach jedem Tauchgang haets en Platte voll mit Wassermelone, Honigmelone und Ananas gha. Isch eifach GENIAL gsi!!!!!!!!!

So, das mail wird oepe s 2. letschte si, da ich nur no die wuche ide schuel bin und nachher jo nur no bis am do in Airlie Beach bin und daenn scho wider hei chume....

liebs gruessli

Andrea

sunday, 4 december 2005 - about the other things which happend

Hallo zaemae...

Ja, ja ich weiss dae Taucherkurs isch scho en Wuche sither und ihr haend dae erscht jetzt uebercho...Aber ich han wuerkli nie vill ziit gha zum mol alles z schriibe. Me sind immer unterwaegs gsi oder me haend vo dae schuel us oepis gha...

Naja, also letscht friitig sind wider 5 Studente gange...Devo d Denise wo ein Wuche for mir agfange gha haet und immer ide gliiche Klass gsi isch wie ich. Daenn isch au scho d Ilse gange, mit ihre han ich jo ebe dae Tacherkurs gmacht gha. Daenn sind nu 2 Koreaner und 1 Japanerin gange. Me sind alli zaemae am Friitig im Usang gsi und me haends meeeeega luschtig gha...Das haend mir glaubs nu nie gschaffet gha, dass wuerkli alli Studente zaemae im Usgang gsi sind.

Am Samstig sind daenn d Nicole (Schwiiz) und I mit dae Gastmuetter go Scooter fahre. Me haend amene Toysrun mit gmacht...Das isch do ganz speziell und jedes johr. Es choemed daenn immer alli Biker zaeme, egal ob Rennmaschine oder Harley...und s herzigschte isch alli haend irgendwelchi Plueschtierli druffe oder suschtigi Spielzueg....Daenn fahred alli, z zweite naebedenand, dur s dorf, hi und zrug. Am Schluss fahrt me daenn eis dorf wiiter - 1/2 std. fahrt mit em scooter! - und sammlet alli Spielzueg ufemene Buessli mit Ladeflaechi. Und daenn haets natuerlich nu Wuerschtli und z trinke gae. Am namittag simer daenn nu chli ad Lagoone gange. Es wird immer heisser und heisser.

Gester haemer muesse d Klimaalage im Huus aschalte will mers suscht nueme usghalte hettet!!! Ich bin daenn au mal diheime blibe, und me haend daenn "Fruehligsputzete" gmacht gha. Zum glueck gits Klimaalage....

So, und jetzt hocke i scho wider ide schuel fuer die letscht wuche...

liebs gruessli

Andrea

tuesday, 13 december 2005

Hello together

Also, hüt bin ich mitem Cedric(schoolmate) zämä go tauche und zwar in Townsville (Ayr). Dete isch im März 1911 d S.S. Yongala gsunkä. Ich bin ja scho meeega überwältigt gsi vom Great Barrier Reef aber das Wrack häts namal übertroffä. Es hät na schöneri Corals gha und au völlig anderi Fish. Und s alleri beschtä isch gsi, ich han ändlich ändlich Turtles gseh! yeah!!!

Dä absoluti burner isch gsi, wo euse Füehrer en Seasnake ghebt hät und mir die händ chöne streichle...boahh!!! han mi fascht nöd getraut gha. isch uuuu komisch gsi die huut aber au mega weich.

Zum zmittag hämer nu en riiisigi Früchteplattä uftischet übercho...yummy yummy...

so, s nächschti mal wirde ich dänn vo Brisbane us schriibe wo ich no ein Nacht muen übernachte bis ich dänn dä Rückflug aträte tuen.

grüessli

Andrea

friday, 16 december 2005

hallo zaemae...

so, han grad mini Nacht in Brisbane verbracht im Backpackers. Bin immene vierer schlag gsi....und stellet euch mal vor mit was fuertige ich im Zimmer gsi bin...genau Duetschi!!!!Sie sind scho sit vier moenet do in Australie und ein monet do in Brisbane Backpackers. Sie choend nid wiiterreise, wills zwenig geld haend und am schaffe sind. aber sie haend gmeint, dass es nu schwer sigi en job zgfinde will die genau wuesses dass so Backpackers fascht alles fuer geld mached..drum gits nie vill lohn. aber jetzt haeds anschiened eine gfunde wos nid schlaecht verdienet. und d unterkunft saelber isch au nid schlaecht.

So, inere halb stund fahri zum flughafe und am zwei hani dae erschti flug nach Hongkong. 9std. flug....daenn knap 4 std. ufenthalt und daenn gohts wiiters am 00:05 nach Zueri!!!!!!!!!!!!!!!!!!!!!!!!!!!

so, me ghoert sich daenn wider ide schwiiz...

liebi gruessli

Andrea