STOCKHOLM

25. - 28. July 2007

Also dMarlene und i sind am Donnschtig morgä vo Züri us abgflogä und gäg die eis am Namittag im Hotel gsi. Wo mir vor däm Hotel gstandä sind han i mir nur dänkt gha -OH MEIN GOTT- was han ich nur buecht! Aber wo mir ine gange sind und dänn au euses Zimmer gseh gha händ isch alles wider tiptop gsi. und sooo vill simer ja nid würkli im hotel gsi. grad zum schlofe und zwäg mache... :-)

Am Namittag simer no chli go ume laufe und händ scho eusi erschtä iichäuf tätigt gha...am Abig simer so gschlisse gsi, dass mer im Hotel blibe sind und laaaang schlofe händ.

Am Friitig simer däfür früeh ufgstandä und händ en sightseeing gmacht. am Namittag hämer dänn wele go VASA-Schiff go aluege. Es hät aber soooooooooooo vill lüt gha, dass mer über 45min hetet müesse dusse astoh, dass mir churzerhand entschlosse händ s Pipi Langstrumpf - Museum go besichtige. Jööö isch das herzig gmacht gsi. und am Schluss mit dä Villa Kunterbunt für die chliine zum spiele.

Mir händ dänn wele en zweite alauf nä für s Vasa aber es hät immernu so vill lüüt gha und zuedem häts nu agfange gha tröpfle.

Da hämer gägeüber es Museum für Sammler gfundä gha. Das isch au sehr interessant gsi. Was lüüt alles chönd sammle....tztztz...

Bim dritte Alauf häts dänn klappet gha und mir händ ohni warteschlange s Vasa-Schiff chöne go aluege. Es riiiiise Schiff. Und die viile chline details...hammer!  Am abig simer dänn s erschti mal in usgang gange. mich händs dänn immer uf schwedisch agsproche - komisch :-) - sind glaubs so gäg di drü zrugg im hotel gsi.

Am Samstig hämer en sightseeing tour miteme Boot gmacht wo mer mal vo usse her alles hät chöne betrachtä...am Namittag simer dänn namal so richtig go shoppä! wies sich ghört....hihihi.. und am abig namal so richtig in usgang. händ jenes lüüt känneglernt gha. da bisch kei 5min elei irgendwo, scho wirsch vo öpertem aquatscht...sind dä dementsprechend au erscht am füfi oder sächsi zrugg is hotel...

Am Sonntig simer am morgä namal dur d iichaufsstross zum es paar souvenirs zchaufe. und uf die zwei hämer leider scho wider a flughafe müesse...